السلام على ملطومة العين

موضوع: السلام على ملطومة العين 2009-05-28, 8:44 pm

وفاة الزهراء

الليله وافتها المنيه -- ويلي واويلاه

ويلي عالزهره الزجيه -- ويلي واويلاه

--

فاطمه ودعت عمرها راحت الدمعه ابجفنها

عاشت ابلوعه ومصايب كثره ماتنعد محنها

أمصيبه فوگ أمصيبه شافت والمصايب والفنها

سوده الايام الگظتها والحزن مامال عنها

حملت الظيم وأذيه -- ويلي واويلاه

ويلي عالزهره الزجيه -- ويلي واويلاه

--

بويه بجروح الليالي جيتك البيها عفتني

جيتك الدمعه اعله خدي لا أبد مافارگتني

شده لو راحت تجيني أصعب الشده الاجتني

حتى دمعة عيني بويه جمره عالخد ألمتني

بس حزن يالهادي بيّه -- ويلي واويلاه

ويلي عالزهره الزجيه -- ويلي واويلاه

----

يارسول الله ابوجودك آنه أتباها أبدلالي

بضعه منك ونته يمي رغده بعيوني الليالي

مابچت فد يوم عيني لاحزن مرّ أعله بالي

عاين الوجهي تشاهد صفرة الظيم اعله حالي

ماشفت ليله هنيه -- ويلي واويلاه

ويلي عالزهره الزجيه -- ويلي واويلاه

----

بويه شحچيلك مآسي من غفت عينك عليّه

أوديعتك من ودعتني لأمتك وصيت بيّه

چانوا ايشوفون بويه أشفافك أتقبل أديه

مني سلبوها نحلتي المنك ألچانت هديه

بالوسف أصفگ بديه -- ويلي واويلاه

ويلي عالزهره الزجيه -- ويلي واويلاه

--

بويه دار احزان عندي عگبك وانصب مناحه

لو أجه الليل ابدمعها اعيوني تتنطر صباحه

ماشفت ساعه هنيه ماعشت فد لحظه راحه

بالصدر حسراتي تچوي والگلب اتنزف جراحه

صعبه كل ليله عليه -- ويلي واويلاه

ويلي عالزهره الزجيه -- ويلي واويلاه

--
زينب أويه حسين ظلت والحسن وحسين بالهم

شافوا الضلع التكسر والصدر من ينزف الدم

ياهو يرعاهم يبويه ونته بيهم بويه تعلم

من عگب عيني عليهم هالمصايب كلها تلتم

شر عليهم من أميه -- ويلي واويلاه

ويلي عالزهره الزجيه -- ويلي واويلاه

تمــــــــت
الزهره لحسين وحسن من ودعت

زينب ابياحال عگب أمها صفت

واويلاه -- واويلاه

---

فاطمه من انكسر منها الضلع

أتگبعت بالحزن وتهل الدمع

زينب ابناظرها شافت هالوضع

أتصدعت ألزهره وعليها أتصدعت

واويلاه -- واويلاه

---

زينب أويه أمها تشاركها ألحزن

للبقيع أتروح وياها تون

أهناك دار أحزان بيها تستچن

تبچي زينب من تشوف أمها بچت

واويلاه -- واويلاه

----

للمناحه اينصبن امن المظلمه

للنبي تشكيله صارت فاطمه

بويه سلبوا حگي ناس المجرمه

بس غفت عينك علينه اتحزبت

واويلاه -- واويلاه

---

يم رسول الله تسولف ماجره

سلبوا الحگ مني گوم الغادره

ونكروا أشوصيت انته بحيدره

للوصيه الگوم عگبك مارعت

واويلاه -- واويلاه

----

أنته يوم النصبت حيدر أمير

عيد ذاك اليوم عالامه يصير

أخلافك أعله الدار اصحابك تغير

نهجك وشرعك يبويه ضيعت

واويلا -- واويلاه

--

أجوا للدار وردت منهم ستر

لذت بالباب ويعصروني عصر

ضلع من صدري يبويه ينكسر

وزينب اويايه يبويه اتروعت

واويلاه -- واويلاه
تمـــــت

ياهوبيه عله وچثيره اهمومه
حاجته يطلبها من معصومه

----------------------

ياهو من جور الزمان وبلوته

علّه بيه ويريد تشفه علّته

يمشي لاخت الرضا يطلب حاجته

ايروح كل المرض والله ابيومه

--------

اگصد المعصومه يالتشكي الوجع

وبيك حبل الامل ساعتها انگطع

منها خايب ابد ما واحد رجع

وبعد اخذ من عندي هالمعلومه

------

راح واحد يوم بعيونه رمد

وبضريح اخت الرضا ويمها گعد

گلها يمچ بعد ما اطلع بعد

يبچي بلل بالدموع اهدومه

-------

وگام بالشباچ يمسح دمعته

وبيها يتوسل ال الله بطلبته

الوادم ارمد عين لمن شافته

صار تدعيله وهي مضيومه

-----
لنه بالحضره يظل ساعه بنحيب

راد معصومه لعد عينه طبيب

صدگ لن تبره العيون اوما يخيب

ونظر بيهن للسمه ونجومه

------
طلع من معصومه ماخذ طلبته

برت عينه وفرحّتله مهجته

والذي يشكي بالم من علته

بلسم الروحه الذي مألومه

-------
روح جّرب يالذي تشكي العلل

هاي معصومه بنت خير العمل

هيه للمأيوس من علته امل

ماتخلي ارويحتك مهظومه

----
خلي نتوسل اليله بالدعاء

ونسأل الباري ابفضلها بالشفاء

وبذكر ال النبي همه الرجاء

وبمحمد ص امته مرحومه

[ندعوك للتسجيل في المنتدى أو التعريف بنفسك لمعاينة هذه الصورة]

تحياتي

» قصة ملاك - تدمع لها العين
» السلام عليكم ورحمة الله وبركاته
» فوائد وبركات الاطعمه عند اهل البيت عليهم السلام