هذي ثاني وصفه عشان عيونكم ياحلوين اذا عجبتكم ادعولي واذا ماعجبكم بعد ادعولي بس انا متاكده بيعجبكم
ولاتقولون مانحب المانجو هالحلى بيخليكم تحبونها (حشى مو حلى صار حكايه)على العموم ماطول عليكم تفضلوا الطريقه
المقادير:
كيك سويسرول بالفراوله او كيك شرائح
قشطه
6حبات كيري
3ظرف دريم ويب
كأس عصير مانجو اللي تجي غليظه مثل كريم وراني
الطريقه:
نرص شرائح الكيك في صينيه بايركس وسط او في صينيه متحركه
ثم نخلط باقي المقادير في الخلاط ونصبه على الكيك وتتدخل الثلاجه لمده ثمان ساعات
ثم نزين الوجه بالتالي:
2ملعقه طعام نشاء
2ملعقه طعام سكر
كأس ونص عصير مانجو تطبخ على النار حتى تغلظ ويزين بها الوجه وتقدم بارده وبالهناء والعافيه